HUN NUAM MAHMAH (TDM 20)

How Sweet the Hour [Efesa 3:15]

1 Moderato

Phatna thungetna hun nuam hi, Pasian i biak khop ciang; Ama kiangah leng to ding hi, Nuamna la i sak ciang.

Kamciam manpha hong ki pia ta, I tel siang semsem ding; Lei ah lawmte tawh ki khen hang, Van ah ki mu kik ding.

* Ni tawp ni ciang ei te khempeuh Van ah i ki mu ding; Zeisuh'si pha i upna hang, Van ah ki mu kik ding.

2

Ei te lungsim hong ki hual sak, Itna siangtho hi a; Pasian Topa Khazih min hang in, Ei te, i ki khawm ta.

Kikhenna hun hong tun baih hang, A thu ciamna kip hi; 'Ei te' lametna vantungah, Ki mu kik ding' hong ci.

* Ni tawpni ciang ei te khempeuh Van ah i ki mu ding; Zeisuh'si pha i upna hang, Van ah ki mu kik ding.

3

A gim, a tawl i khe te in, Khamgam sik baih ding hi; I it i lawm te hong ngakna, Tua kham gam nuam sung hi.

Kum ki vei lo tomkal sungin, Huihpi tuihual ven ciang; Tawntung lungdamna la sa ding, Van ah i ki muh ciang.

* Ni tawp ni ciang ei te khempeuh Van ah i ki mu ding; Zeisuh'si pha i upna hang, Van ah ki mu kik ding.

 @khual98