ZEISUH AW, SINGLAMTEH KISUAN KHIN TA’NG (TDM 298)

Jesus, I My Cross Have Taken [Matt. 16:24]

1

Zeisuh aw, Nang hong zui dingin, Singlamteh kisuan khin ta’ng;

Nangma aa bek hiden dingin, Simmawh muhdah thuak khin ta’ng.

Ka tup, ka deih ka zonsa teng, A vekpi’n bei khin ta hi;

Ahih hang’ ngaihsun pha kik leng’, Pasian nangawn kei aa hi.

2

Mi’n hong simmawh, hong nusia in, Honpa nangawn taisan hi;

Mi khempeuh ahoih bangkhem in, Nang tuabang na hi kei hi.

Itna Pasian Nangmah kong zong, Nong maitaina, kei nuamna;

Tual le gal in hong taisan zong, Nong et bek zong’ kei nuamna.

3

Midang te’ hong bawlsiatna in, Na ang hong tun’ zawsop hi;

Leitung nuntak haksatna in, Vantung nopna hong tun’ hi.

Kei Na hong it lai teng inah, Dahna te siat na’ng hi lo;

Nang kihel loh lungdamna ah, Lungnop kicing om thei lo.

4

Upna lum tawi, thungen inah, Hehpihna tawh minthang ding;

Ka mai-a vantung nopna ah, Pasian khut in hong kha ding.

Leitung nasep bei baih ding a, Ka khualzinna bei ding hi;

Ka lametna taksuak ding a, Upna ki mu thei ding hi