ZEISUH AW, KA SIH DONGIN (TDM 374)

O Jesus, I Have Promised [Joshua 24:21]

1

Zeisuh aw, ka sih dongin, Nangma nasem dingin;

Kiciamna kip ka koih zo, Nangmah ka Lawm ka To;

Hong panpih tawntung le cin, Nang lam hong hilh lecin;

Galdona kihta kei ning’, Lampam sikkhial kei ning’.

2

Nong nai hong phawk khialsak ke’n, Thu dang’ te’n hong neh den;

Muhnop huai te in hong leng, Zaknop huai te’n hong meng;

Ka gal te hong nai tawntung, Ka kiim le ka lung sung;

Tua te sang hong nai zaw in, Mawhna pan hong dal in.

3

Nangma pau hong za sak in, A siang a teltak in;

Lung sung huihpi a nun ciang’, Mang lo, ka phun nop ciang’;

Ka lungmuan theih na’ng inah, Nong sawlna, nong khaamna;

Hong theisak hong ngai sak aw, Ka lungsim hong cing’ aw.

4

Zeisuh aw, nong ciam zo hi, Nangmah a hong zui mi;

Nangma nasem te inah, Nang tawh mang ding, van ah;

Zeisuh aw, ka kiciam zo, Sih dong’ Nangmah ka To;

Kong zuih zawh na’ng hong huh in, Ka Lawm, ka Topa in.

5

Na khekhap, hong mu sak in, Keimah hong tawn sak in;

Kong zuih theih na’ng mantakpi, Nangma tha kong muang hi;

Hong pi, hong sam, hong kai ta’n, A tawp dong hong len ta’n;

Vantung dong’ hong tonpih aw, Hong hon ka Lawmpa aw