TAWNTUNG KHA KIHUAL HEN (TDM 466)
May They be United Forever
Wedding Band [Mt. 19:6]
Wedding Band [Mt. 19:6]
1
Pasian geelsa hong tung ta, Lia le tang kigawmna;
Itna tawh pumkhat suak ding, Khukdin uh, Na maiah.
Kamciamna kip la uh aa, Amau khut te ki len;
Pasian gawmsa amau te, Mite in khen kei hen.
2
Nangma thupha namkim tawh, Lungnopna guan ta in;
Gentheih hun le nopsak hun, Ki-it hun suaksak in.
Inn sung, phung sung kilemna, Kipatna suak uh hen;
Khristian innkuan hoih suak in, Limpha lak den uh hen.
3
Topa aw, hih nupa te, Thupha tampi pia in;
Tu le ta tawi uh hen la, Neih le lamh cingsak in.
Upna, lawpna kip nei in, Nang sung lungkim uh hen;
A khan kum uh sawt hen la, Tawntung kha kihual hen
Download
Comments