Kum 70 Kum 80

1. 

Ni a hong suak zel e, mual hong khupsan zel a, i hun in hong liam san zel; 

Mihing nuntakna in pak bangin vul thei hi, papo bang lel i nunna; 

Mim bang i pian sim in kum sawt gua bang hing ding, 

Sin lai lung ah gel hang ee, sin lai lung i gelna, luankhitui hi e maw, hun lo pi'n sih na'n hong ban.

Chorus

Ut aa i ut kei zong aa, khat vei i sih pel mawh kul

Tel a i tel kei zong aa, han maul in hai bang hong ngak,

Mi hau zong peng tuan kei, mi pil zong hong si ey,

Kum sawt gua bang i hin sung.

Kum 70 leh maw kum 80 sung bek hi, hun tomkhat sung i nunna

2.

Topa'n a gelsa hun, ni hong tun ciang in maw, zawn leh hauh deidan lo in,

mipil zong maw si ei, Mi hai zong in thuak ey, heina peuh luankhi hi ee 

lokho sing puate in, khitui naptui tawh dim sumbawl sum zuak mihau zong,

Minthang USA zong al bang dah nau bang kap, hanmual lam mah zuan veve.

3.

Inn hoih leh maw lo hoih nei cih i gel zel a

Inn hoih lo hoih tein maw, tan bang kimna sihna, mual i tung ciang in ah, genthei mite bang veve,

A hoih mahmah ling pak bang in a sungah maw, sihna than mah om veve,

Hauhna liatna te in sihna zo zolo in, Ham mual lam mah zuan veve

4.

Na lawmlawm ee kei pian, khut kim khe kim neilo, Pau leh ham zong theilo in, Mit in khua mu theilo, bil in khua za thei lo, sing bang keu ee ka nunna,

Gamsa phialva leng leh singkun lopa te zong, Sih in ban ee meei bang kang,

Lungkip muanhuai om lo, lawi bang i thang zongin, sihna in hong ngak kim ee

5.

Topa' hun khat ciang in ka nunna mul liam ding, sihna in hong phak ma in,

ka lametna nang bek, ka lungnopna nang bek, nangmah ading hong zangh aw,

Pilna simna neilo, ngun leh kham neilo in nang bek ka nopna na hi,

Gentheih haksat na leh luankhi tui tawh kong thum, Hong mangngilh ken Topa aw.