IT BAANG LO NONG IT

Leitung vantung na bawl ma’n, 
Siktui luan a ka om ma’n;
Hehpihna in kei na hon teel khin, 
Ta ding in non zongkhia a;
Tate aw chiin n’ong sam, 
Na Khasiang toh kei n’ong chiamteh lai.

It baangloupi nong it,  
Ngaih baangloupi nong ngai; 
Phulou na itna a thupi lua,
Hoihna khat zong nei lou; 
Dik na zong neilou, 
Hehpihna vang tate aw n’ong chi.

Ittuam khentuam na nei kei, 
Paihtuam guptuam na nei kei; 
A pil a siam zong na khentuam lou, 
A zawng a hau chih om lou; 
Aniam asang chih omlou, 
Na Itna sung tuibang luangkhawmta. 

Hiai mah thupi kasa pen, 
Hiai mah lamdang ka sa pen; 
Na itna in kei nangawn hon ban, 
Ka lawh zoh ding hilou pi; 
Ka hoih man zong hiloupi, 
Hehpihna vang a ka tan hi zaw.