Non Vualzawlna (PL1)

Verse 1
Toupa Pathian aw na hoihna ka mu
Vualzawlna lampite ah na hon pi
Lametna khen gam ah na hon pi lai
Manpha in thupi lua

Chorus
Non vualzawlna simseng ahi lou
Na hon pidan suut seng ahi lou;
Kei leh ka innkuan bang hiam ka hih uh
Hiai tantan a Na hon pi

Verse 2
Ahun ahun in Na hoihna ka mu
Koi a kipan a hong pai ahi hiam
Zion apan in aw Na panpihna
Hong tung ahi zaw hi

Verse 3
Na simthuphate Na hon musak a
Manpha hi na e, thupi hi na e
Mimawl a ding in pilna ahi a
Hon tawisangtu ahi

Verse 4
Na hon khotuahdan thupi hi na e
Loubang na khualna kan in a sang ngei
Gamkeu leh haksatna ah hilou in
Vualzawlna ah N’on pi

"Phatna luangkhawm
Volume 1  (Track 1)
Key - C"