Verse 1 Ih hihna kiphawk lo mi, tampi lak ah Kei zong khat in ka kihel, lam tun tel sem ing Pauban nang bei theilo, mihing nun zia Thei kawm sa mah in Itna lah ding sang’n hawmthawh na tamzaw zel  Chorus Ken zong hanciam lai ing Zani sang’n ka hoih zawk nang’n Kei tha lel tawh bel Bangmah tantun kei ning Kei lungmuanna hong thahat sak Khris hang in na khempeuh ah Sep zawh nang’n thanei ing Verse 2 Ih hihna mun khatpeuh pan, kipan khia in Thusia sang’n thupha teel in, itna mitsuan ni Na puk khak zenzen hang, lau nang omkei Tho to kik zel in Topa hehpihna’n nisim in ki cing hi  Tag Khris hang in sep zawh nang’n thanei ing

Verse 1 Pasian Tapa’n van inn nuam nusia’n lei mi hong suak  Suah nang inn omlo, zin buk khat nangawn awng nawnlo Leitung mite gum ding pa, bawng an kuang sung hong ki sial Ki niamkhiat na tak tawh hong pai zo hi Verse 2 Minthanna puanpi suah in leitung hon ding hong tuak Hauhna, vaangliatna, nopsak na te’n zong khaam zo lo Mawhna khat zong neilo pa, hong it luat man in ah Nuntakna pia ding hong pai zo hi  Chorus Ama minin Zeisu hi, Pasian’ tapa neih sun  A mite mawhna sung pan gumkhia pa hi  Ama’n hong nusia ngeilo, “Emmanuel” a hi  Ei te tawh Pasian hong om khawm hi Bridge Khuamial sungah khua hong vak zo Gumpa hangin tu’n khuamu zo Hencipna pan hong khah khia zo Gumpa hangin tu’n suakta zo